दारावरची बेल

 

दारावरची बेल आजही वाजते

पेपरवाला असतो किंवा दूधवाला

किंवा सोसायटीचा वाॅचमन

काही सूचना देण्यासाठी

येत नाहीत ते नातलग, मित्र

सहज, न सांगता, कळवता

फोनही खणखणत नाही पहिल्यासारखा

कधीतरी वाजतो....बिल भरा सांगायला

मोबाइल वरही फोन येतात

विमा व इस्टेट एजन्टचे

क्रेडिट कार्ड विक्रेत्यांचे

बक्षिसाचे आमिष दाखवणार्‍यांचे

क्वचित फोन येतो

मित्राचा वा नातलगाचा

विचारपूस, गप्पा

चालतात बराच वेळ

तेव्हा मात्र वाटते....

अजून आशा आहे

रवींद्र शेणोलीकर