Musings

 वहिदा रेहमान...हितगुजातून उलगडलेली लेखिका - नसरीन मुन्नी कबीर अनुवाद - मिलिंद चंपानेरकर सुप्रसिद्ध अभिनेत्री वहिदा रेहमानशी केलेल्या संवादावर, चर्चेवर आधारित "काॅन्व्हर्सेशन्स विथ वहिदा रेहमान" हे इंग्रजी पुस्तक लेखिका नसरीन मुन्नी कबीर ह्यांनी लिहिले. त्याच पुस्तकाचा मिलिंद चंपानेरकर यांनी हा मराठी अनुवाद केला आहे. वहिदाच्या लाखो चाहत्यांनी अगदी वाचलेच पाहिजे असे हे पुस्तक आहे. 'प्यासा', 'गाइड', 'तीसरी कसम', 'खामोशी' आदी चित्रपटांतून आव्हानात्मक भूमिका साकार करणार्‍या वहिदाने चित्रपटसृष्टीत आपलं विशेष स्थान निर्माण केलं. तिच्या कारकिर्दीतले वेगवेगळे चित्रपट कसे घडले ह्याच्या पडद्यामागच्या रंजक कहाण्या वहिदाने मोकळेपणी ह्या संवादांमध्ये सांगितल्या आहेत. तिचा स्वत:चा चित्रपटसृष्टीतील प्रवास ह्या संवादांच्या ओघात आपल्याला समजत जातो. जुन्या हिंदी चित्रपटांच्या शौकिनांनी व वहिदाच्या चाहत्यांनी जरूर वाचावे असे पुस्तक. रवींद्र शेणोलीकर

 झेन गार्डन  लेखक - मिलिंद बोकिल ह्या कथासंग्रहात मिलिंद बोकिलांच्या खास बांधून ठेवणार्‍या शैलीत लिहिलेल्या विविध विषयांवरच्या कथा आहेत. "यंत्र" ही कथा बिघडलेल्या यंत्राशी झगडणार्‍या नायकाची व तो ज्या मनोवस्थांतून जातो त्याबद्दल आहे. वाचताना आपल्या डोळ्यांसमोर तो कारखाना, त्यातली माणसे, ते बिघडलेले यंत्र उभे राहते. "निरोप" ह्या कथेत एका दूरवरच्या आदिवासींच्या गावात दोन वर्षे राहून नायकाने केलेले काम, तिथली माणसे व त्यांच्याशी जुळलेले ऋणानुबंध व आता पत्नीच्या आग्रहाखातर मुंबईला परत जाण्याचा घेतलेला निर्णय व गावकर्‍यांचा निरोप घेण्यासाठी गावाला दिलेली शेवटची भेट हे सर्व चटका लावून जाते."साथिन" ही कथा महिलांवर होणारे अत्याचार व त्याविरूद्ध लढणारी साथिन ही संघटना, त्या संघटनेचे एका शिबीरास कथेची नायिका तिच्या मैत्रिणीबरोबर जाते व तिथे तिला भेटलेल्या महिला, घडलेल्या चर्चा व त्यामुळे तिच्या विचारांवर होणारा परिणाम हे सर्व फार सुंदर लिहिले आहे. झेन गार्डन ही कथा एका अशा गार्डन बद्दल आहे जी सहज बघता पूर्णपणे मोकळी दिसते. प्रत्येक जण त्या गार्डनचा आपल्या पद्धतीने अ...

  आज अचानक गांठ पडे मित्र का हा सदा रडे? कधी न पाहिला चेहरा हसरा सदैव आपुला कष्टी, दुखरा असे का बरे, न सुटे कोडे कोण लागले ह्याच्या पाठी कपाळावर कायम आठी दैवगती का अशी नडे प्रेमभंग तर झाला नाही? पैशासाठी अडले काही? यशास ह्याचे का वावडे? मित्र विनविती देवाला एकदा तरी हसवा ह्याला मिळुनी सर्व घालती साकडे रवींद्र शेणोलीकर

 When you are around the morning comes with abundance of energy And promise of future When you are around the sadness of evening goes unnoticed as  light fades into dark When you are around the night does not scare and I sleep with the assurance Of a beautiful dawn Ravindra Shenolikar

 आश्रम ह्या वेब सीरीजचा पहिला सीझन नुकताच पाहिला. दुसरा सीझन यायचा आहे. बाबा निराला नामक एका ढोंगी, भ्रष्टाचारी बाबाची ही कथा आहे. अंधश्रद्धा, भोळसटपणा ह्यांचे भांडवल करून लोकांना फसवणार्‍या, नादी लावणार्‍या बाबाची भूमिका बाॅबी देओलने फार छान केली आहे. ह्या बाबाचे लाखो भक्त व त्यातून त्याला मिळालेली पाॅवर, राजकीय हितसंबंध, बेकायदेशीर धंदे, खून, बलात्कार, शोषण अशा सर्व गोष्टींमुळे ही सीरीज रंगत जाते. मागासवर्गीय म्हणून होणारा अन्याय सहन न होऊन कुस्ती खेळण्यात तरबेज असलेली पम्मी आश्रमात राहायला येते. बाबाच्या बाह्य दर्शनाने प्रभावित होऊन ती बाबाची निस्सीम भक्त होते व साध्वी होऊन समाजसेवा करण्याचा निर्णय घेते. आदिती पोहनकरने ही भूमिका फार छान वठवली आहे. पम्मीचा भाऊ सत्तीची भूमिका राहुल पांडेने केली आहे जो छिचोरे चित्रपटात यापुर्वी दिसला आहे. त्याच्या पत्नीची भूमिका त्रिधा चौधरीने केली आहे. बाबाच्या गुन्ह्यांचा तपास करणार्‍या तडफदार पोलिस अधिकार्‍याची भूमिका दर्शन कुमार ह्याने तर त्याला साथ देणार्‍या डाॅ. नताशाची भूमिका अनुप्रिया गोएंका हिने केली आहे. अनुप्रिया बाॅलिवुडच्या काही चित्रप...

परवाच गोव्यात आलो. एअरपोर्ट वरून कोलवा बीच जवळील रिझाॅर्टला जातानाच अगदी शांत, निवांत वाटू लागलं. ही शांती गोव्याच्या भूमीत, इथल्या हवेत व कणाकणात सामावलेली आहे असं वाटतं. रिझाॅर्टवर आमच्या रूमच्या बाल्कनीतून थोडा लांबवर समुद्र दिसतो. समुद्राची गाज स्पष्ट ऐकू येते. बाहेर पडले की दोन मिनिटात बीचवर जाता येते. आज कुठे धावपळ न करता रूमवरच राहायचे ठरवले. व्यंकटेश माडगुळकरांचे 'चित्रे आणि चरित्रे' शांत वातावरणात वाचायला खूप मजा येत आहे. त्यांचे 'बनगरवाडी' मित्राने वाचायला दिले होते. मी विशेष उत्सुक नव्हतो. मी कायम शहरात वास्तव्य केले असल्याने ग्रामीण पार्श्वभूमीचे पुस्तक मला आवडणार नाही असे समजत होतो. बनगरवाडी हातात घेतले ते संपेपर्यंत खाली ठेवले नाही. हे त्यांचे दुसरे पुस्तक वाचतोय व बहुदा त्यांची बरीचशी पुस्तके वाचल्याशीवाय चैन पडणार नाही. गोव्याला आधी बर्‍याचदा आलो आहे व बरेच फिरलो आहे. यापुढे असेच समुद्राजवळच्या रिझाॅर्टवर येऊन रहावे, बीचवर फिरावे व वाचन-लेखन करावे असे वाटू लागले आहे. रविंद्र शेणोलीकर

काही दिवसांपूर्वी "अ परफेक्ट मर्डर" हे नाटक पाहिले. अल्फ्रेड हिचकाॅकचा गाजलेला चित्रपट "Dial M for murder" चे हे सुंदर नाट्यरूपांतर. पहिल्या क्षणापासून खिळवून ठेवणारे. चित्रपट खूप वर्षांपूर्वी पाहिला असला तरी पुनर्प्रत्ययाचा आनंद मिळाला. नाटकाचे लेखन फार उत्तम झाले आहे. अनिकेत विश्वासराव व पुष्कर श्रोत्री ह्यांनी उत्कृष्ट अभिनय केला आहे. विशेषत: पुष्करने पोलिस ऑफिसरची भूमिका मस्तच केली आहे. हे नाटक ते भूमिकांची अदलाबदल करून सुद्धा सादर करतात. त्यामुळे तुम्ही नाटक बघाल तेव्हा पुष्कर वेगळ्या भूमिकेत बघायला मिळण्याची शक्यता आहे. प्रिया मराठेने काम चांगले केलेय. पण जरा नवखी वाटते. कथेच्या दृष्टीने नेपथ्य फार महत्वाचे होते व ते समर्थपणे सांभाळले आहे. प्रयोग जवळजवळ हाउसफुल होता. नाटक चांगली गर्दी खेचत आहे व त्यात नवल नाही. अवश्य बघावे असे नाटक. रविंद्र शेणोलीकर